Grand Chess Tour. Արոնյանը առաջին տուրում կմրցի Ֆաբիանո Կարուանայի հետ

Վաղը` դեկտեմբների 4–ին Լոնդոնում կմեկնարկի Grand Chess Tour շախմատային մրցաշարի վերջին փուլը:  Առաջին տուրում Արոնյանը մրցելու է Իտալիան ներկայացնող Ֆաբիանո Կարուանայի հետ:

  Աշխարհի գործող չեմպիոն Մագնուս Կարլսենը   կմրցի Ֆրանսիայի ներկայացուցիչ Մաքսիմ Վաշյե-Լագրավի հետ:

Հավելենք, որ Grand Chess Tour-ը բաղկացած է 3 մրցափուլից: Առաջինը տեղի է ունեցել նորվեգական Ստավանգերում, որտեղ հաղթողի կոչումը նվաճել էր Թոփալովը: 2-րդ մրցաշարը կայացել է ԱՄՆ-ի Սենթ-Լուիսում, որտեղ առաջին տեղը զբաղեցրել էր Արոնյանը, իսկ 3–րդ փուլն արդեն London Chess Classic-ն է:

Մրցաշարին մասնակցում են աշխարհի 10 ուժեղագույն շախմատիստները: