Մշակույթի նախարարության «Ոսկե մեդալ»` գերմանացի երկու վերականգնողների

Տեղեկացրել էինք, որ այսօր Մատենադարանում մեկնարկել է «Հիշողության կերպարանքները» 5-րդ միջազգային գիտաժողովը, որն այս տարի նվիրվում է Ցեղասպանության 100-րդ տարելիցին:

Գիտաժողովի շրջանակներում տեղի կունենա Ռուսաստանի գեղարվեստի ակադեմիայի ակադեմիկոս Ալ. Լիդովի «Ախթալայի վանքի որմնանկարները» հիմնարար աշխատության շնորհանդեսը: Նախատեսվում է նաև փոխադարձ պայմանագրերի կնքման արարողություն:

Ի դեպ, մշակույթի նախարարության «Ոսկե մեդալով» պարգևատրվեցին գերմանացի վերականգնողներ Ռոբերտ Շտեհլեն և Մարգրեթ Յաշկեն, ովքեր 15 տարի բարեգործական հիմունքներով վերականգնել են Մատենադարանի արծաթակազմ ձեռագրերը` մեծ մասամբ Ցեղասպանության տարիներին փրկված: