Բարձրավանում ընկուզենուց ընկած գյուղացու որդին էլ տարիներ առաջ դժբախտ դեպքի զոհ էր դարձել

Այս պահին Սյունիքի մարզում փրկարարներն աշխատանքներ են տանում երեկ ընկուզենուց ընկած և ձորը գլորված` Բարձրավան գյուղի 64-ամյա բնակչի դին դուրս բերելու համար: Yerkir.am-ին հետ զրույցում Բարձրավանի գյուղապետ Օնիկ Ավագյանը պատմեց, որ գյուղացին ընկերոջ հետ էր գնացել` ընկույզ հավաքելու:

«Պահի տակ ոտքը սահել ա, ընկել ա ու ժայռից գլորվել: Շատ բարդ տեղանք ա, մենակ փրկարարները կարան իրանց պարաններով գան՝ հանեն»,- ասաց նա:

Գյուղապետի խոսքով՝ տղամարդը երկու դուստր ունի՝ երկուսն էլ ամուսնացած, իսկ որդին էլ տարիներ առաջ մեկ այլ դժբախտ դեպքի զոհ էր դարձել՝ գետում լողալիս խեղդվել էր:

Հիշեցնենք, որ երեկ` ժամը 18.21-ին, ՏԿԱԻՆ-ում տեղեկություն է ստացվել, որ 64-ամյա Ա. Հ.-ն Սյունիքի մարզի Բարձրավան գյուղի մոտակա ձորում ընկուզենուց ընկել է եւ տեղում մահացել: Հոկտեմբերի 6-ին` ժամը 05.40-ին, դեպքի վայր է մեկնել Գորիսի ՀՓՋ-ի օպերատիվ խումբը: