Ջրհեղեղ Ֆրանսիայի հարավում. կան զոհեր եւ անհայտ կորածներ

Ֆրանսիայի հարավում փոթորկի հետեւանքով 10 մարդ է զոհվել: Վեց մարդ անհայտ կորած է համարվում:  Ուժեղ քամին եւ անձրեւը ֆրանսիական Ռիվիերայում հեղեղումների եւ էլկետրաէներգիայի մատակարարման խափանումների են հանգեցրել:

Անտիբից ոչ հեռու ջրի տակ է հայտնվել ծերանոցը. 3 տարեց մարդ է մահացել: Կաննում ջրի ուժեղ հոսքը փողոցում վայր է գցել մի կնոջ, ով խեղդվել է:

Ռեգիոնում փակվել են գլխավոր ավտոճանապարհը, երկաթուղին: Հազարավոր տներ զրկված են էլեկտրաէներգիայից: Օդերեւութաբանների խոսքով նախօրեին ընդամենը 2 ժամում գրանցվել են 175 մմ տեղումներ: Երկու օրում Նիցցայում տարեկան տեղումների տաս տոկոսն արդեն տեղացել է: