Նախագահն ու կաթողիկոսը ժամանեցին Գուրգեն Դալիբալթայանի հոգեհանգստի արարողությանը

Նշանավոր պետական եւ ռազմական գործիչ, Հայաստանի զինված ուժերի կայացման առաջամարտիկ, գեներալ-գնդապետ Գուրգեն Հարությունի Դալիբալթայանի հոգեհանգստի արարողությանը ժամանեցին ՀՀ նախագահ Սերժ Սարգսյանը Ն.Ս.Օ.Տ.Տ Գարեգին Բ կաթողիկոսը, ԱԺ նախագահ Գալուստ Սհակյանը,  Պաշտպանության նախարար Սեյրան Օհանյանը:

Վերջինս  լրագրողների հետ զրույցում նշեց, որ Գուրգեն Դալիբալթայանի կորստով մեծ կորուստ ունեցավ հայկական բանակը:

«Բոլոր զինվորականները նրան սիրել են հայրաբար, և նրա մահը մեծագույն կորուստ է մեզ համար: Մեր բանակում շատ պետք է լինեն նրա  նման մարդիկ»,- ասաց Սեյրան Օհանյանը:

Նշենք, որ հոգեհանգստի արարողությանը ներկա են բազմաթիվ այլ բարձրաստիճան պաշտոնյաներ, զինվորականներ, պատգամավորներ: