|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՀՀ գլխավոր դատախազությունը ՀՀ ոստիկանությունից պահանջել և համապատասխան ընթացակարգով ՀՀ քննչական կոմիտե է ուղարկել Հայաստանի ֆուտբոլի ֆեդերացիայի նախագահ Ռուբեն Հայրապետյանի և «Էյր Արմենիա» ավիաընկերության սեփականատեր և տնօրեն Արսեն Ավետիսյանի միջև տեղի ունեցած միջադեպի փաստով նախապատրաստված նյութերը: Այս մասին yerkir.am-ին հայտնեց ՀՀ գլխավոր դատախազի խորհրդական Քրիստինե Մելքոնյանը:
Հիշեցնենք, որ Արսեն Ավետիսյանի եղբայրը՝ Արտյոմ Ավետիսյանը yerkir.am-ի հետ զրույցում պատմել էր, թե ինչպես է Ռուբեն Հայրապետյանը ֆուտբոլի ակադեմիայի լողավազանի բացօթյա սրճարանում հրահանգել ծեծի ենթարկել եղբորը: Արդյունքում Ավետիսյանը քթի կոտրվածք, թեթև տեղաշարժ և ազդրի, թիակի թեթև սալջարդեր ախտորոշմամբ տեղափոխվել էր հիվանդանոց: