Google-ը փոխում է իր անվանումը

Google ընկերությունն այսուհետ դառնալու է իր իսկ ստեղծած «Alphabet» (Այբուբեն) հոլդինգային ընկերության «քույր» կառույցը. տեղեկացնում է BBC-ն:

Նոր ընկերության մաս են կազմելու նաև «YouTube»-ը ու «Android»ը:

Ընկերության հիմնադիրներ Սերգեյ Բրինը և Լարի Փեյջը հայտնել են, որ ընկերությունն այժմ էլ շատ լավ է աշխատում, սակայն դառնալով հոլդինգի մաս՝ բարելավելու են իրենց գործունեությունը:

«Alphabet»-ի ամենախոշոր ընկերությունը մնալու է «Google»-ը՝ կրելով մի շարք փոփոխություններ:

Անդրադառնալով ընկերության նոր անվանմանը ` կորպորացիայի հիմնադիրները ասել են. «Մենք հավանեցինք «Alphabet» անվանումը, քանի որ այն նշանակում է տառերի խումբ, որոնք մարդկության խոշորագույն ձեռքբերումներից մեկի՝ լեզմի մի մասն են»:

Նրանց խոսքով՝ կորպորացիան կարող է նոր անվանումով շուկայում հեշտությամբ մրցակցել նաև «Apple» ընկերության հետ: