Սուրիկ Խաչատրյանի եղբորը մեղադրանք առաջադրվեց

Yerkir.am-ի տեղեկություններով՝ Սդղի գյոլում տեղի ունեցած միջադեպի գործով այսօր ՀՀ քննչական կոմիտեն մեղադրանք է առաջադրել Սյունիքի մարզպետ Սուրիկ Խաչատրյանի եղբորը՝ Սեյրան Խաչատրյանին, ով առավել հայտնի է որպես Աղալար: Մեր տեղեկություններով՝  Խաչատրյանն արդեն հարցաքննվել է, սակայն ի՞նչ խափանման միջոց է ընտրվել նրա նկատմամբ, դեռևս հայտնի չէ:

Հիշեցնենք, որ Սդղի գյոլ կոչվող տարածքում տեղի ունեցած միջադեպի ընթացքում բռնություններ էին կիրառվել Հարություն և Մուշեղ Զաքարյան եղբայրների նկատմամբ: Տևական ժամանակ Սյունիքում շրջանառվող տեղեկությունների համաձայն` միջադեպին մասնակցել են Սյունիքի մարզպետ Սուրիկ Խաչատրյանի որդին՝ Տիգրան Խաչատրյանը, մարզպետի եղբայրը՝ Աղալարը, վերջինիս որդիներն ու մյուս եղբոր՝ Սդղի գԳյոլի տարածքի «նայող» Սերոբի՝ Հոպոպի որդին՝ Մայիս Խաչատրյանը: Վերջինս մի քանի շաբաթ է, ինչ հետախուզման մեջ է:

Yerkir.am-ի տեղեկություններով՝ նա առաջաիկայում կհայտնաբերվի: Հիշեցննեք որ նախաքննությամբ ձեռք բերված ապացույցների հիման վրա այս գործով մեղադրանք է առաջադրվել արդեն 5 անձի, որոնցից երկուսը մարզպետի ազգականներն են:

Մեր տեղեկություններով ՝ արդեն իսկ պարզվել է, որ միջադեպը հրահրողը եղել է մեղադրյալներից Յուրիկ Մանուչարյանը: Ի դեպ՝ այն անձանց վերաբերյալ, ովքեր հարցաքննության ընթացքում պնդել են, որ որևէ մասնակցություն չեն ունեցել միջադեպին, նախաքննակա մարմինը ձեռք է բերել այնպիսի ապացույցներ, որով հիմնավորվել է նրանց մասնակցությունը: Այդ ապացույցներին է միջադեպի մասնակիցների հեռախոսայինն վերծանուները: