Ցուցարարների առավոտը՝ հիմներգի և Տերունականի հնչյունների ներքո

Հերթական օրն է արդեն Բաղրամյան պողոտայում ցուցարարները շարունակում են իրենց բողոքի ակցիան՝ ընդդեմ էլեկտրաէներգիայի սակագնի բարձրացման: Վաղ առավոտյան Բաղրամյան պողոտան բազմամարդ է: Ակցիայի մասնակիցները գիշերն անցկացրել են այստեղ: Նրանք լուսաբացը դիմավորում են բարձր տրամադրությամբ՝  Տերունական աղոթքի և մեր հիմնի հնչյունների ներքո: Բաղրամյան պողոտայում գտնվող հոգևորականները, ովքեր ևս գիշերն անցկացրել են ցուցարարների կողքին, իրենց շուրջ համախմբվածներին օրհնեցին և մաղթեցին բարի օր:

Այս ամենին հաջորդեց արդեն ավանդական դարձած մաքրության կազմակերպումը Բաղրամյան պողոտայում, ինչպես նաև մարմնամարզությունը: