Գիշերը ցուցարարների մեջ խմած մարդիկ կային. Օսիպյան

 Քիչ առաջ լրագրողների հետ զրույցում Երեւանի փոխոստիկանապետ Վալերի Օսիպյանը հայտարարեց, որ երեկ գիշերը Բաղրամյան պողոտայում խմած, ոչ սթափ վիճակում գտնված քաղաքացիներ են եղել: «Լավ կլիներ երեկվա պատմությունը չկրկնվեր, երեկ այստեղ մեծ քանակի խմած քաղաքացիներ կային, քաղաքացիներ կային, որոնք սովորական ջրի տարաների մեջ ալկոհոլ էին փրձում տեղափոխել: Մենք դա կասեցրել ենք: Կա այդ ամենի տեսագրություն»,-հայտարարեց Օսիպյանը:

Նա տեղեկացրեց, որ ոչ սթափ վիճակում գտնվող քաղաքացիներին մեկուսացրել են: Ի դեպ, Օսիպյանի այս հայտարարությունից հետո ակցիայի կազմակերպիչները քաղաքացիներին հորդորեցին ալկոհոլ չբերել: Նշենք, որ Բաղրամյան պողոտայում է ոստիկանապետ Վլադիմիր Գասպարյանը: