Թբիլիսյան խճուղում մեքենան բախվել է սյանը. 2 մարդ տեղափոխվել է հիվանդանոց

Հունիսի 10-ին` ժամը 07.14-ին, ահազանգ է ստացվել, որ Երևանի Թբիլիսյան խճուղու թիվ 19 տան մոտակայքում տեղի է ունեցել ՃՏՊ, «Մերսեդես» մակնիշի ավտոմեքենան բախվել է էլ.սյանը` առկա է արգելափակված քաղաքացի, դուրս բերելու համար անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է «Մերսեդես» մակնիշի 35 VS 992 պ/հ ավտոմեքենան բախվել է էլ.սյանը:

Հրշեջ-փրկարարները վարորդ Ա.Ա.-ին (ծնվ. 1979թ) դուրս են բերել արգելափակումից:

Վարորդը և ուղևորը տեղափոխվել են «Սրբ Գր. Լուսավորիչ» ԲԿ, որտեղ բժիշկները տուժածների առողջական վիճակը գնահատել են բավարար:

Հրշեջ-փրկարարները հոսանքազրկել են ավտոմեքենան, դադարեցրել վառելիքի արտահոսքը և կատարել ճանապարհի լվացման աշխատանքներ: