Ինձ ոչ միայն ՀՀԿ-ն է սատարում, այլև` ԲՀԿ-ն. Վահագն Գևորգյան

Աբովյանի քաղաքապետի ընտրություններում թիվ 6 դպրոցում տեղակայված ընտրատեղամասում իր քաղաքացիական պարտքը կատարեց ՀՀԿ-ի և ԲՀԿ-ի կողմից սատարվող թեկնածու Վահագն Գևորգյանը: Ինչպես Աբովյանից հաղորդում է Yerkir.am-ի թղթակիցը, նա լրագրողների հետ զրույցում նշեց, որ քվեարկել է հանուն Աբովյանի ապագայի:

 Գևորգյանը նշել է, որ որևէ ընտրախախտում չի արձանագրել, իսկ ընտրություններում գրանցված ակտիվությունը բարձր է գնահատել: Թեկնածուն ընտրության էր եկել իր ընտանիքի անդամների հետ: Գևորգյանը լրագրողների հետ զրույցում նշել է, որ ինքն անկուսակցական է, բայց իրեն սատարում են ոչ միայն ՀՀԿ-ն, այլև ԲՀԿ-ն, ինչն իրեն ավելի է պարտավորեցնում: