Էրդողանի դեմ նյութեր հրապարակելու համար ցմահ ազատազրկման կենթարկեն թերթի խմբագրի

Թուրքիայում Cumhuriyet թերթի գործադիր տնօրեն Աքըն Աթալայը նախագահ Ռեջեփ Թայիփ Էրդողանի անունից թերթի խմբագիր Ջան Դյունդարին դատի էր տվել նախագահի հասցեին զրպարտություններ անելու մեղադրանքով:

Ըստ T24-ի՝ անցած տարի Էրդողանը Դյունդարի դեմ բողոք հայց էր ներկայացրել՝ նրան «իրականությանը հակասող տեղեկություններ հրապարակելու» մեջ մեղադրելով: Հայցում պնդել էին, որ թերթի խմբագիրը «զուգահեռ պետության» կողմից պատրաստված կեղծ տեսանյութ և տեղեկություններ է հրապարակում:

Ներկայացված` «Թուրքիայում հանցագործություններ իրականացնելու նպատակով կազմակերպություն հիմնելու, գաղտնիությունը խախտելու, պետության դեմ հանցանք գործելու, պետության անվտանգությանը վերաբերող փաստաթղթեր հայթայթելու, քաղաքական և ռազմական լրտեսություն իրականացնելու, գաղտնի փաստաթղթեր հրապարակելու, արդար դատավարության վրա ազդելու փորձ կատարելու» մեղադրանքով պահանջել են կրկնակի ցմահ և 42 տարվա ազատազրկում: