Ուժեղ առաջնորդ է. չինացիները հոլովակ են նկարել Պուտինի մասին (ՏԵՍԱՆՅՈՒԹ)

Չինաստանի նախագահ Սի Ցզինպինի՝ ՌԴ այցի նախօրեին Չինաստանում տեսահոլովակ են նկարահանել, որում չինացիներն իրենց համակրանքն են հայտնել Վլադիմիր Պուտինին. հայտնում է РИА Новости-ն:

Գերմանական Suddeutsche Zeitung-ը գրում է, որ «համակրելի» ռուս նախագահը մեծ հեղինակություն է վայելում Չինաստանի բնակիչների շրջանում: Հարցվածների մեծ մասը Պուտինին ուժեղ առաջնորդ է անվանել և կարծիք հայտնել, որ Պուտինի նախագահության օրոք ՌԴ-ի և Չինաստանի միջև հարաբերությունները ավելի սերտ և ներդաշնակ են դարձել:

Չինացիները նաև շնորհավորել են Պուտինին Հաղթանակի կապակցությամբ՝ կատարելով «Մոսկվա-Պեկին», «Կատյուշա» և «Ինչպիսին Պուտինն է» երգերը: