Դեպի Ծիծեռնակաբերդ անվճար երթուղի կգործի` մինչև ուշ գիշեր

Ապրիլի 24-ին` ժամը 13-ին, Բրազիլիայի հրապարակից կլինի անվճար երթուղի դեպի Ծիծեռնակաբերդ: Այնուհետև ավտոբուսները ուղևորներին Ծիծեռնակաբերդից կտեղափոխեն երկու ուղղությամբ` մետրոյի «Զորավար Անդրանիկ» և «Բարեկամություն» կայարաններ: Անվճար երթուղին կգործի մինչև ուշ գիշեր` ժամը 1-ը: Այս մասին լրագրողներին հայտնեց փոխքաղաքապետ Արամ Սուքիասյանը:

Նա տեղեկացրեց նաև, որ ապրիլի 23-ին, 24-ին մետրոպոլիտենը նույնպես կաշխատի մինչև գիշերվա ժամը 1-ը:

«Ինչ վերաբերում է հասարակական տրանսպորտին, ապա այն երթուղիները, որոնք չեն անցնում քաղաքի կենտրոնով, կգործեն սովորական ռեժիմով, իսկ կենտրոնով անցնող տրանսպորտը կգործի սահմանափակ ռեժիմով` շրջանցելով մի շարք փողոցներ»,- ասաց Սուքիասյանը: