Նա սպանել է Մերիլին Մոնրոյին

ԱՄՆ Վիրջինիա նահանգի հոսպիտալում մահամերձ հիվանդներից մեկը խոստովանել է, որ  ինքը Կենտրոնական հետախուզական վարչության հանձնարարությամբ սպանել է հոլիվուդյան գերաստղ Մերիլին Մոնրոյին և ևս 30-ից ավելի արտիստների, քաղաքական գործիչների, լրագրողների և հասարակական գործիչների։

Ինչպես գրում է  Обозреватель-ը, նախկին գործակալ Նորման Հոջեսը նշել է, որ ինքը ղեկավարել է 5 պրոֆեսիոնալների, որոնք ամեն ինչ կազմակերպել են այնպես, որ իշխանության համար վտանգավոր մարդկանց մահը նման լինի դժբախտ պատահարի։

«Մենք վկայություններ ստացանք այն մասին, որ Մերիլին Մոնրոն սեռական կապ է ունեցել ոչ միայն Քենեդու, այլ նաև Ֆիդել Կաստրոյի հետ։ Իմ ղեկավար Ջիմի Հեյվորթն ասաց, որ նա պետք է մահանա, և ես պետք է կազմակերպեմ իբր ինքնասպանության։ Ես դա արեցի Ամերիկայի համար»,- պատմել է Հոջեսը։

 Նրանք, ովքեր կարող են հաստատել վետերանի խոսքերը, արդեն մահացել են: Չնայած դրան՝  ՀԴԲ-ում արդեն հետաքրքրվել են նրա հայտարարությունով եւ  հիվանդասենյակում նա գտնվում է ձեռնաշղթաներով ։