Էրդողանը Պուտինի հետ զրույցում դժգոհել է Հայաստանից

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ռուսաստանի նախագահ Վլադիմիր Պուտինի հետ: Այդ մասին տեղեկացնում է թուրքական «Անադոլու»-ն:

Կես ժամ տևած զրույցի ընթացքում կողմերը քննարկել են էներգետիկ ոլորտում համատեղ աշխատանքների կարևորությունը, ինչպեսնաև անդրադարձել են Հայոց ցեղասպանության հարցին:  

Պուտինին հայտնելով, թե այդ հարցում «Թուրքիան կողմ է պատմությանը արդար հիշողության հեռանկարով մոտեցում ցուցաբերելուն», Էրդողանը դժգոհել է Հայաստանից «խաղաղության կոչերն անտեսելու, պատմաբանների համատեղ հանձնաժողով ստեղծելու առաջարկին բացասական մոտեցում ցուցաբերելու» համար:

Նախագահները քննարկել են նաև Ուկրաինայում տիրող իրավիճակն ու Ղրիմի թաթարների հարցը: