Տիգրան Կարապետյանը «որոշակիորեն» հիասթափվել է

Ժողովրդական կուսակցության նախագահ Տիգրան Կարապետյանը «որոշակիորեն հիասթափված է» ԲՀԿ-ի` հանրահավաքը չեղյալ հայտարարելու որոշումից, բայց չի տխրել, քանի որ տխրելն, ըստ նրա, «երեխական դաշտում է»:

«Ես մտածում եմ` տակը բան կա, անհնարին ա տենց բան լինի, իշխանությունն ինչ-որ զիջման է գնացել»,- Yerkir.am-ի հետ զրույցում ասաց նա:

Կարապետյանի կարծիքով` Սերժ Սարգսյան- Ծառուկյան հաշտեցումը եղել է իշխանությունների նախաձեռնությամբ: Նրա խոսքով` հնարավոր է` իշխանությունները հրաժարվել են սահմանադրական բարեփոխումներից:

Կարապետյանը չբացառեց Րաֆֆի Հովհաննիսյանի հետ փետրվար 20-ին Ազատության հրապարակում լինելու հանգամանքը` նշելով, որ դա պետք է քննարկի կուսակցության հետ` որոշման մասին խոստանալով հրապարակել առաջիկա ժամերին: