Տմարդի սպանությունը ցնցել է ողջ Թուրքիան. 20-ամյա աղջկան բռնաբարել են, այրել և դին նետել առուն

Փետրվարի 13-ին Թուրքիայի Մերսին քաղաքի Տարսոնի շրջանում տեղի ունեցած զարհուրելի սպանություն ցնցել է ողջ երկիրը:

Տուն գնալու ճանապարհին ավտոբուսում 20-ամյա վարորդ Սուփհի Ալթընդոքենի կողմից սպանվել է Օզգեհան Ասլանը (20 տարեկան)՝ երիտասարդի բռնաբարության փորձից ինքնապաշտպանվելու ժամանակ:

Երիտասարդ աղջկանից երկար ժամանակ լուր չստացած ընտանիքը դիմել է ոստիկանության: Հետաքննություն է սկսվել, խուզարկվել են Տարսոն մուտք և ելք գործած մեքենաները: Կասկածելի ավտոբուսը խոևզարկելիս ոստիկանները արյան հետքեր են հայտնաբերել: 20-ամյա երիտասարդը, նրա հայրն ու ընկերը պնդել են, որ դրանք վեճի արդյունքում են գոյացել, սակայն երիտասարդի դեմքին եղած կասկածելի ճանկռտուքների պատճառով ոստիկանները նրանց բերման են ենթարկել:

Ոստիկանության բաժանմունքում ամեն ինչ պարզվել է:  20-ամյա երիտասարդն ընդունել է մեղքն ու ներկայացրել դեպքի մանրամասները: Աղջկան սպանել է բռնաբարությանը դիմադրելու պատճառով՝ նրան դանակահարելով և  գլխին հարվածելով: Սպանությունը թաքցնելու հարցում նրան օգնել է հայրը. դին անտառում այրել են և առուն նետել:

20-ամյա աղջկա սպանության պատճառով երկրի տարբեր շրջաններում ցույցեր են տեղի ունենում: