Առողջապահության նոր փոխնախարար է նշանակվել

Հայաստանի Հանրապետության վարչապետ Հովիկ Աբրահամյանի` 2015 թվականի փետրվարի 12-ի որոշմամբ` Գագիկ Միրիջանյանը նշանակվել է Հայաստանի Հանրապետության առողջապահության նախարարի տեղակալ։

Գագիկ Միրիջանյանը ծնվել է 1981թ. Երևանում: Սովորել է Լ.Ն. Տոլստոյի անվան թիվ 128 միջնակարգ դպրոցում: Ավարտել է Երևանի Մ. Հերացու անվան պետական բժշկական համալսարանի ընդհանուր բժշկության ֆակուլտետը (1998-2004թթ.): Այնուհետև կրթությունը շարունակել է նույն բուհի կլինիկական օրդինատուրայում` հանրային առողջություն և առողջապահության կազմակերպիչ մասնագիտությամբ:

Աշխատանքային գործունեություն

2005-2008 թթ. Երևանի Մ. Հերացու անվան պետական բժշկական համալսարանի հանրային առողջություն և առողջապահության ամբիոնի լաբորանտ: 

2008-2011 թթ. Երևանի Մ. Հերացու անվան պետական բժշկական համալսարանի հանրային առողջություն և առողջապահության ամբիոնի ասիստենտ:

2011- 2012 թթ. Երևանի Մ. Հերացու անվան պետական բժշկական համալսարանի բուժական հաստատությունների կառավարման և բժշկական իրավունքի ամբիոնի ասիստենտ:

2012-2013 թթ. Երևանի Մ. Հերացու անվան պետական բժշկական համալսարանի առողջապահության կառավարման և տնտեսագիտության ամբիոնի դոցենտ:

2013-2014 թթ. Երևանի Մ. Հերացու անվան պետական բժշկական համալսարանի 

«Առողջապահության կառավարում» հետբուհական գիտակրթական կուրսի դոցենտ:

01.09.2014թ. -ից առ այսօր Երևանի Մ. Հերացու անվան պետական բժշկական համալսարանի առողջապահության կառավարման և տնտեսագիտության ամբիոնի դոցենտ:

2010-2011թթ. Երևանի Մ. Հերացու անվան պետական բժշկական համալսարանի ստոմատոլոգիական ֆակուլտետի փոխդեկան:

2011-2013թթ. – Երևանի Մ. Հերացու անվան պետական բժշկական համալսարանի բուժօգնության որակի վերահսկման բաժնի պետ:

17.04.2013թ.-ից 12.02.2015թ. Երևանի Մ. Հերացու անվան պետական բժշկական համալսարանի աշխատակազմի ղեկավար:

Փետրվարի 12-ից զբաղեցնում է ՀՀ առողջապահության նախարարի տեղակալի պաշտոնը:

08.01. - 09.06.2014թթ. «Հանուն կյանքի» բժշկագիտության զարգացման հիմնադրամի գործադիր տնօրեն:

09.06.2014թ. –ից առ այսօր «Մխիթար Հերացի» բժշկագիտության զարգացման հիմնադրամի գործադիր տնօրեն:

Այլ տվյալներ

2009թ. դեկտեմբեր Ս. Ավդալբեկյանի անվան առողջապահութայն ազգային ինստիտուտ` թեկնածուական ատենախոսության պաշտպանություն՝ բժշկագիտության թեկնածուի գիտական աստիճանի շնորհումով:

2012թ. մայիս Երևան, Մ. Հերացու անվան Պետական բժշկական համալսարան՝ գիտական խորհուրդի կողմից դոցենտի կոչում շնորհել:

44 հոդվածի և 5 մեթոդական ձեռնարկի հեղինակ, 29 միջազգային և տեղական գիտական կոնֆերասների մասնակցություն:

06.05.2014 թ. –ից Երևանի Մ. Հերացու անվան պետական բժշկական համալսարանի Գիտագորդինացիոն խորհուրդի թիվ 4 նիստի որոշումով հաստատատել ԺԴ.00.17. «Հանրային առողջություն և առողջապահության կազմակերպում» մասնագիտությամբ դոկտորական ատենախոսության հայցորդ:

Վերապատրաստման դասընթացներ 

17.05-28.05.2010թ. Մոսկվա, Ի.Մ.Սեչինովի անվան պետական բժշկական ակադեմիա` վերապատրաստման դասընթացներ` «Հանրային առողջություն և առողջապահության կազմակերպում»:

28.04.-09.05.2014թ. Երևանի Մ. Հերացու անվան պետական բժշկական համալսարանիվերապատրաստման դասընթացներ`«Դասախոսների որկավորման բարձրացում»:

Պարգևներ

15.01.2014թ. ՀՀ Պաշտպանության նախարարի №23 հրամանի ՀՀ պաշտպանության նախարարության հետ երկարատև համագործակցության, ռազմաբժշկական կրթության և գիտության զարգացման համար պարգևատրվել է ՀՀ զինված ուժերի «Զինանշան» հուշամեդալով:

07.07.2014թ. Համազգային վստահություն «Տարվա բժիշկ և տարվա բուժհիմնարկ» մրցանակաբաշխությանը փորձագիտական գնահատման և ԶԼՄ-ների կոնտենտ-անալիզի արդյունքում արժանացել է՝«Բարձրագույն մասնագիտական կրթության տարվա կազմակերպիչ»:

Ամուսնացած է, ունի մեկ դուստր: