Ադրբեջանական կողմը տեսանյութ է հրապարակել իբր հայ «դիվերսանտների» գործողության մասին

Ադրբեջանական քարոզչամեքենայի ապատեղեկատվությունը հասել է անհեթեթության գագաթնակետին: Ադրբեջանական haqqin.az-ը գրում է, որ հայկական ԶԼՄ-ները հրապարակել են մի տեսանյութ, որում երևում է՝ ինչպես է ադրբեջանական կողմը ոչնչացնում հայ «դիվերսանտների» 6 հոգանոց խմբին:

Զավեշտալի է, որ մոտ 40 րոպե տևողությամբ անձայն տեսանյութում աղոտ երևում է միայն անհայտ մարդկանց շարժ` անհայտ ուղղությամբ, և ամայի բնություն:

Yerkir.am-ի հետ զրույցում ՀՀ պաշտպանության նախարարի մամուլի խոսնակ Արծրուն Հովհաննիսյանը հայտնեց, որ դա ապատեղեկատվություն է, ադրբեջանական հերթական էժանագին հնարքը: Ըստ նրա` տեսանյութի ցանկացած մասնագիտական ուսումնասիրություն կապացուցի, որ տեսանյութը ծիծաղի է արժանի: