Մեր բանակը տարածաշրջանում ամենամարտունակն է. վարչապետ

Այսօր Հայոց բանակի տոնական օրվա կապակցությամբ Եռաբլուրում էր նաև ՀՀ վարչապետը: Լրագրողների հետ զրույցում նա նշեց, որ Հայոց բանակը հայ ժողովրդի պարծանքն է, ձեռքբերումը, ապագան ու անվտանգությունը:

«Մեր բանակն այսօր տարածաշրջանի ամենահզոր բանակն է: Մեր գեներալներին ու սպաներին ցանկանում եմ ուժ, կորով, համբերություն: Ամենակարևորն այն է, որ այն նվիրվածությունը, որը  տածում են մեր ժողովրդի ու պետության նկատմամբ, ավելի ամրապնդվի»,- ասաց վարչապետը:

Լրագրողների հարցին` ինչպե՞ս է որակում Ադրբեջանի գործողությունները` պատերա՞զմ, թե՞ սադրանք, կարճ պատասխանեց. «Սադրանք»:

Լրագրողները հարցեր ունեին նաև Գյումրու ողբերգության կապակցությամբ, սակայն վարչապետն ասաց. «Գյումրու ողբերգության մասին արդեն խոսել եմ»: