Վահան Հովհաննիսյանի հոգեհանգստի արարողությունը

Այսօր Նոր Նորքի 5-րդ զանգվածի Սբ Սարգիս եկեղեցում տեղի ունեցավ Հայ Յեղափոխական Դաշնակցություն կուսակցության Բյուրոյի անդամ, Գերմանիայի Դաշնային Հանրապետությունում Հայաստանի Հանրապետության արտակարգ և լիազոր դեսպան, հասարակական-քաղաքական գործիչ Վահան Հովհաննիսյանի հոգեհանգստի արարողությունը:

Ներկա էին ՀՀ նախագահ Սերժ Սարգսյանը, առաջին տիկինը, ԱԺ նախագահ Գալուստ Սահակյանը, վարչապետ Հովիկ Աբրահամյանը, նախարարներ, պատգամավորներ, ինչպես նաեւ Վահան Հովհաննիսյանի դաշնակցական եւ ոչ միայն դաշնակցական ընկերները:

Վերջին հրաժեշտի արարողությունը տեղի կունենա վաղը՝ հունվարի 3-ին, ժամը 11:00-13:00-ը, Կոմիտասի անվան կամերային երաժշտության տանը, հուղարկավորությունը՝ նույն օրը Երևանի քաղաքային պանթեոնում: