Խուզարկության ժամանակ 27-ամյա երիտասարդը դանակով հարձակվել է ոստիկանների վրա

Նոյեմբերի 17-ին` ժամը 08.50-ին, Արմավիրի մարզի առաջին ատյանի դատարանի որոշման հիման վրա ոստիկանության Արմավիրի բաժնի ծառայողները   խուզարկություն կատարելու նպատակով այցելել են 1987 թ. ծնված Դավիթ Հ.-ի տուն, որտեղ նա դիմադրություն է ցույց տվել` ոտքով հարվածել է ոստիկաններից մեկի որովայնին, այնուհետև գլխով հարվածել է դեմքին, ապա ձեռքին եղած դանակով հարվածել մյուս ոստիկանի ձախ ձեռքին` տալով   հայհոյանքներ:

Դավիթ Հ.-ն վնասազերծվել և բերման է ենթարկվել:

Ոստիկանության երկու ծառայողներ դիմել են հիվանդանոց, որտեղ նրանց մոտ նախնական ախտորոշվել է «փակ գլխուղեղային վնասվածք՝ հարցականով, ճակատային շրջանի փափուկ հյուսվածքների սալջարդ՝ ձախից և ձախ ձեռնաթաթի թիկնային մակերեսի կտրած վերք»:   Դավիթ Հ.-ն ձերբակալված է: Կատարվում է քննություն: