Ինչ նվերներ են ստացել Օբաման և Քերին Ադրբեջանից

ԱՄՆ բարձրաստիճան պաշտոնյաները, այդ թվում՝ նախագահ Բարաք Օբաման և առաջին տիկինը, 2013 թվականին թանկարժեք նվերներ են ստացել ադրբեջանցի պաշտոնյաներից: Այդ մասին նշվում է ԱՄՆ պետական դեպարտամենտի զեկույցում. հայտնում է Turan-ը:

Համաձայն զեկույցի՝ Օբամային 2013-ի դեկտեմբերի 5-ին ադրբեջանական գորգ են նվիրել՝ 6560 դոլար արժողությամբ,  Միշել Օբամային ավանդական ադրբեջանական շալ՝ 435 դոլար արժեքով:

ԱՄՆ պետքարտուղար Ջոն Քերին անցյալ տարվա դեկտեմբերին 760 դոլարանոց մետաքսե ձեռագործ գորգ է նվեր ստացել: 

Բացի նվերներից, ադրբեջանցի պաշտոնյաները նաև հոգացել են ԱՄՆ բարձրաստիճան պաշտոնյաների` բիզնես կարգով թռիչքները Բաքվից Փարիզ, որոնք իրականացվել են անցյալ տարվա  օգոստոսին:

Ուշագրավ է, որ  փաստաթուղթը հայտնվել է ԱՄՆ-ում Ադրբեջանի դեսպան Սուլեյմանովի և Ադրբեջանի տրանսպորտի նախարար Զիա Մամեդովի որդու՝ Անար Մամեդովի հրավիրած շքեղ ընթրիքից մի քանի ժամ առաջ, որին պետք է մասնակցեին ամերիկացի մի շարք պաշտոնյաներ: