Հայաստանի գավաթ. «Ալաշկերտ»-ն ու «Միկա»-ն կիսաեզրափակիչում են

Ֆուտբոլի Հայաստանի գավաթի խաղարկության քառորդ եզրափակիչ փուլի շրջանակներում այսօր տեղի ունեցավ  2 հանդիպում: «Ալաշկերտ»-ը սեփական հարկի տակ 4:3 հաշվով առավելության հասավ «Արարատ»-ի նկատմամբ և դուրս եկավ կիսաեզրափակիչ:  «Ալաշկերտ»-ի կազմում գոլի հեղինակ դարձան Վահագն Մինասյանը 18՛, 85՛, Միհրան Մանասյանը 24՛ և Արսեն Բալաբեկյանը 90+2՛: «Արարատ»-ի կազմում աչքի ընկան  Ռոբին դի Լաուրոն 21՛, 71՛, և  Բրայան դե լա Ֆուենտեն 38՛: Հիշեցնենք, որ թիմերի միջև կայացած առաջին խաղում գրանցվել էր արդյունավետ ոչ-ոքի(2:2):

Կիսաեզրափակիչի ուղեգիր նվաճեց նաև «Միկա»-ն, որն արտագնա խաղում մրցեց «Գանձասար»-ի հետ:  Սեփական հարկի տակ 2:0 հաշվով հաղթելուց հետո  երևանյան թիմը վստահ հաղթանակ տոնեց նաև պատասխան խաղում: Արամ Ոսկանյանի սաները 3 անպատասխան գնդակ ուղարկեցին կապանցիների դարպասը: Գոլերի հեղինակ դարձան Վարդգես Սաթումյանը 5՛, 30՛, և  Ալիկ Առաքելյանը 8՛: