Արգավանդի խաչմերուկի մոտ մեքենան բախվել է ճաղավանդակներին ու շրջվել. shamshyan.com

Shamshyan.com-ը հայտնում է, որ  այսօր՝ հոկտեմբերի 7-ին, խոշոր ավտովթար է տեղի ունեցել Երևանում:

Ժամը 12:30-ի սահմաններում Volkswagen մակնիշի 33 TԼ 328 համարանիշով ավտոմեքենայի վարորդը Իսակովի պողոտայից դեպի Արգավանդի խաչմերուկն ընկած ճանապարհահատվածում բախվել է ճանապարհի բետոնե բաժանարար հատվածին ու ճաղավանդակներին և, գլխիվայր շրջվելով, հայտնվել ճանապարհի մեջտեղում:

Վթարի վայրից ֆոտոլրագրող Գագիկ Շամշյանը հայտնում է, որ, մինչ դեպքի վայր կժամանեին հրշեջ-փրկարարներն ու ճանապարհային ոստիկանները, քաղաքացիներն իրենց ուժերով ավտոմեքենայից դուրս են բերել վարորդին:

Ըստ նախնական տեղեկությունների՝ վարորդը մարմնական վնասվածքներով տեղափոխվել է «Էրեբունի» բժշկական կենտրոն:

Մանրամասն՝ սկզբնաղբյուրում: