Գագիկ Ջհանգիրյանը չի վերջացնում, նա միշտ ավարտում է

Այսօր պետա-իրավական հարցերի հանձնաժողովում հումորի պակաս չէր զգացվում, հատկապես, երբ հիմնական զեկուցողը ՀԱԿ պատգամավոր Գագիկ Ջհանգիրյանն էր, իսկ հարակից զեկուցողը` պետա-իրավական հանձնաժողովի նախագահ` ՀՀԿ-ական Հովհաննես Սահակյանը:

Գագիկ Ջհանգիրյանի ելույթից հետո Հովհաննես Սահակյանը հարցրեց. «Պարո'ն Ջհանգիրյան, վերջացրեցի՞ք»: Ջհանգիրյանը պատասխանեց. «Ես, առհասարակ, ավարտում եմ, ոչ թե վերջացնում»:

Հովհաննես Սահակյանը, իհարկե, ընթացքում մոռացավ Գագիկ Ջհանգիրյանի այդ խոսքը և կրկին հարցրեց. «Պարո'ն Ջհանգիրյան, վերջացրեցի՞ք: «Կրկնում եմ, որ ես ավարտում եմ, ոչ թե վերջացնում»,- հերթական անգամ նշեց Գագիկ Ջհանգիրյանը: