Վանաձոր-Դիլիջան ավտոճանապարհին երթևեկությունը վերականգնվել է

ԱԻՆ-ից տեղեկացնում են, որ օգոստոսի 28-ին` ժամը 17.01-ին, ահազանգ է ստացվել, որ Վանաձոր-Դիլիջան ավտոճանապարհին` Լերմոնտով գյուղի մոտակայքում, նախնական տվյալներով տեղի է ունեցել քարաթափում, ինչի հետևանքով երթևեկությունը դարձել է միակողմանի: Դեպքի վայր է մեկնել մեկ մարտական հաշվարկ:

Պարզվել է, որ Մ-8 ավտոճանապարհի Վանաձոր-Դիլիջան հատվածում (15 կմ) հորդառատ անձրևների հետևանքով ճանապարհը լցվել է ջրաբերուկներով, ինչի արդյունքում էլ երթևեկությունը դարձել է միակողմանի: Հրշեջ-փրկարարները «Լոռու ՃՇՇ» ՓԲԸ-ի աշխատակիցների հետ համատեղ իրականացնում են ճանապարհի մաքրման աշխատանքներ:

Ժամը 19.50-ի դրությամբ երթևեկությունը վերականգնվել է: