Երբ դատախազն արդեն գիտի` ինչ են որոշելու քննիչն ու դատարանը

Գյումրիում 50-ամյա Հարություն Գրիգորյանի սպանության կասկածանքով ձերբակալված է ռազմական ոստիկանության բարձրաստիճան պաշտոնյա Արման Կատունյանը:

Արման Կատունյանը երեկ է ձերբակալվել, նրան դեռևս մեղադրանք չի առաջադրվել: Ձերբակալման պահից սկսկած 72 ժամվա ընթացքում նրան կամ մեղադրանք պետք է առաջադրվի կամ նա ազատ կարձակվի:

Սակայն, պարզվում է, որ Շիրակի մարզի դատախազ Րաֆֆի Ասլանյանն արդեն իսկ գիտի, որ Կատունյանին մեղադրանք առաջադրվելու է, և ավելին` միջնորդություն է լինելու որպես խանափման միջոց կալանքն ընտրելու վերաբերյալ, և որ դատարանն էլ բավարարելու է այն:

Երեկ «Ազատություն» ռադիկոյանի հետ զրույցում վերջինս ասել է հետևյալը. «Կալանավորումը, դեռևս որպես խափանման միջոց չի ընտրվել, անձը դեռևս որպես մեղադրյալ չի ներգրավվել, ձերբակալման պահից եռօրյա ժամկետում անձին մեղադրանք կառաջադրվի, և որպես խափանման միջոց կընտրվի կալանավորումը»։