Ցեղասպանության ճանաչումն անցյալի հարց չէ, այլ ապագայի. Ամոս Գիտայ

Այսօր «Ոսկե ծիրան» կինոփառատոնի շրջանակներում կտրվի Ամոս Գիտայի ֆիլմերի հետահայաց ցուցադրության մեկնարկը:

Լրագրողների հետ հանդիպման ժամանակ անվանի կինոռեժիսորը նշեց, որ ինքը որոշակի նմանություն է տեսնում հայերի և հրեաների միջև` երկուսն էլ ջարդերի միջով են անցել և ինքնության պահպանման խնդիր ունեն:

«Լիովին օրինական և արդարացված եմ համարում Թուրքիայից հայերի պահանջը: Ցեղասպանության ճանաչումը պարզապես սենտիմենտալ խնդիր չէ` անցյալի հետ կապված, այլ խնդիր, որը վերաբերում է մեր ապագային: Միայն անցյալի ոճրագործությունները ճանաչելով` կարող ենք առաջ շարժվել»,- ասաց Գիտայը:

Նրա կարծիքով` իրենք` հրեաները, գոյատևել են, որովհետև միշտ հավատացել են գաղափարին, իսկ հիմա ապրում ենք ժամանակներում, որտեղ մարդիկ հավատում են միայն փողին, զենքին…

Հայաստանում ռեժիսորը տեսնում է որոշակի երիտասարդ տաղանդներ, որոնք էլ իրենց արվեստի միջոցով պետք է նաև Ցեղասպանության ճանաչման հարցը բարձրացնեն: