35 տարվա բուժքույրը կառավարության շենքի առջեւ նստել էր գետնին

Կենսաթոշակառու,  35 տարի «Արմենիա» բժշկական կենտրոնում աշխատած նախկին բուժքույր Նինել Իվանյանը  կառավարությունից  պահանջում է օգնել իրեն,  վերականգնել արդարությունը և տալ բարոյական, նյութական վնասների փոխհատուցում:

Նա աշխատանքից ազատվել է նվաստացուցիչ, նրա պատմելով` իրականությանը չհամապատասխանող մեղադրանքների հիման վրա:

Այսօր Նինել Իվանյանը, որպես բողոքի նշան, նստել էր կառավարության շենքի առջեւ: Նա ցույց էր տալիս լուսանկարներում այն բուժքույրերին, ովքեր իսկապես անբարեխիղճ են եղել իրենց աշխատանքում, սակայն նրանց  փոխարեն հենց  իրեն են ազատել  աշխատանքից:

Նշենք, որ կնոջը հաջողվեց մոտենալ վարչապետին և ասել, որ 9 տարի է` իր ձայնը տեղ չի հասնում: