Զինվորական «ՈՒԱԶ»-ն այրվել է, բուժքույրը մահացել է

ԱԻՆ-ը հայտնում է, որ հունիսի 27-ին` ժամը 10.21-ին, ահազանգ է ստացվել, որ Տավուշի մարզի Արծվաբերդ գյուղի գյուղապետարանի մոտ տեղի է ունեցել ՃՏՊ, անհրաժեշտ է փրկարարների օգնությունը:

Դեպքի վայր է մեկնել երկու մարտական հաշվարկ: Պարզվել է, որ «ՈւԱԶ» մակնիշի ավտոմեքենան դուրս է եկել ճանապարհի երթևեկելի հատվածից, գլորվել ցած, ընկել ճամփեզրին հարակից տներից մեկի վրա և բռնկվել: ՃՏՊ-ի հետևանքով Վարորդ Ա. Հ.-ն (ծնվ. 1995 թ.) և ուղևոր Ա. Բ.-ն (ծնվ. 1988 թ.) տեղափոխվել են Բերդ քաղաքի հիվանդանոց, իսկ ուղևոր Ա. Բ.-ն (ծնվ. 1950 թ.) տեղում մահացել է: Հրդեհը մեկուսացվել է ժամը 12.13-ին, մարվել` 12.22-ին:

Այրվել է տան երկրորդ հարկն ամբողջությամբ (մոտ 150 քմ) և «ՈւԱԶ» մակնիշի ավտոմեքենան:

Հիշեցնենք, որ քիչ առաջ  մենք տեղեկացրել էինք այս միջադեպի մասին, և  որ մեքենայի մեջ զինծառայողներ են եղել: