Ադրբեջանցի բուժքույրը փորձել է հայ երեխա սպանել

Ազգությամբ ադրբեջանցի բուժքույրը փորձել է հայ երեխա սպանել. գրված է http://armish1.livejournal.com բլոգում:

Բլոգերի ղարաբաղցի ծանոթները հանգստացել են Սոչիում: Նրանց 8-ամյա որդին աղիքային ինֆեկցիա ախտորոշմամբ ծանր վիճակում հայտնվել է հիվանդանոցում:

Բուժքույրն անընդհատ համոզել է երեխայի մորը հանգստանալ, քնել: Երկու օր անց, երբ տղայի վիճակը փոքր-ինչ լավացել է, մայրը, անսալով բուժքրոջ հորդորներին, պառկել է որդու կողքը` հանգստանալու: Երբ արթնացել է որդին եղել է արնաթաթախ եւ անգիտակից վիճակում, իսկ բուժքույրն անհետացել է: Երեխայի հայրը գտել է նրան, պահանջել ցույց տալ անձնագիրը: Պարզվել է բուժքույրն ադրբեջանուհի է: Իմանալով, որ երեխան Ղարաբաղից է` նա կտրել է տղայի ոտքի երակը:

Ըստ բլոգերի` բուժքույրը ձերբակալվել է:

Հաշվի առնելով, որ դեպքի կապակցությամբ պաշտոնական տեղեկատվություն չկա, Ռուսաստանի հայերի «Երկրամաս» թերթն իր լրագրողական հետաքննությունն է անցկացնում այդ գործով: