Կարգադրիչների ստորաբաժանման պետը` փաստաբանի հետ միջադեպի մասին

Արդեն հայտնել ենք, որ այսօր Շանթ Հարությունյանի և մյուսների գործով նիստի ժամանակ գործով անցնող երեք ամբաստանյալների պաշտպան, ոստիկանության նախկին պաշտոնյա Հովհաննես Քոչարյանը դատարանին հայտնեց, որ նիստից առաջ դատական կարգադրիչները զննել են իր պայուսակը, իսկ կարգադրիչների ղեկավարը վիրավորել է իրեն: Նա խնդրեց դատարանին` պատասխանատվության ենթարկել այն մարդկանց, ովքեր իրենց նման արտոնություններ են թույլ տալիս:

Միջադեպին հետևել էր նաև yerkir.am-ի լրագրողը:

Բանն այն է, որ երբ փաստաբանն անցել էր դատարանի մետաղորսիչ սարքի միջով, այն ազդանշան էր արձակել, ինչից հետո կարգադրիչները խնդրել էին պաշտպանին բացել պայուսակը:  Քոչարյանը պայուսակի պարունակությունը դատարկել էր սեղանին և ասել` զննեք, ապա նշել, որ մյուս անգամ դատարան մտնելիս իր պայուսակը չզննեն: Դրանից հետո վիճաբանություն էր սկսվել դատարանի կարգադրիչների ստորաբաժանման ղեկավար Արթուր Փիլոսյանի և պաշտպանի միջև:

Կատարվածի վերաբերյալ Փիլոսյանի պարզաբանումը` yerkir.am-ի տեսանյութում: