Ժամանում են ոստիկանության հատուկ ջոկատայիններ ու շտապ օգնության մեքենաներ. իրավիճակը լարված է

Yerkir.am-ի թղթակիցը ՀԾԿՀ-ի շենքի մոտ էլեկտրաէներգիայի թանկացման դեմ պայքարող ՀՀ քաղաքացիների բողոքի ակցիայից տեղեկացնում է, որ իրավիճակը ծայրահեղ լարված է, ժամանում են ոստիկանության հատուկ ստորաբաժանումներ և շտապ օգնության մեքենաներ: Ոստիկանությունն անցել է ուժի կիրառման. ծեծելով, խփելով, քաշքշելով` մի քանի տասնյակ մարդկանց տանում են ոստիկանության բաժանմունք:

Մինչ այդ բողոքող քաղաքացիները նստել էին Սարյանի փողոցի վերևի հատվածում` փողոցի մեջտեղում, ոստիկանության մեքենաների դիմաց, որպեսզի թույլ չտան քաղաքացիներին բերման ենթարկել, սակայն ոստիկանությունը կարողացավ բոլորին տեղից հանել: Այնուհետև քաղաքացիները որոշեցին նստել հենց Սարյան փողոցում, որից հետո ոստիկանությունը հատուկ ջոկատայինների միջոցով կյարողացավ ազատել փողոցը` քաղաքացիների նկատմամբ ֆիզիկական ուժ կիրառելով:

Իրավիճակը շարունակում է մնալ լարված: