ԱԱ-2014. հոլանդացիների դժվարին հաղթանակը Ավստրալիայի հավաքականի նկատմամբ

Մունդիալ 2014: B խումբ: Հոլանդիայի հավաքականը մրցեց Ավստրալիայի ընտանու հետ: Առաջին տուրում Իսպանիայի հավաքականի նկատմամբ տոնած խոշոր հաշվով հաղթանակից հետո այս խաղում հոլանդացիները բացահայտ ֆավորիտ էին համարվում, սակայն կանաչ մայրցամաքը ներկայացնող ֆուտբոլիստները կարողացան արժանի դիմադրություն ցույց տալ աշխարհի գործող փոխչեմպիոններին: 20-րդ րոպեին Արիեն Ռոբենը բացեց հաշիվը, որից մեկ րոպե անց Կեհիլը ընթացքից կատարած գեղեցիկ հարվածով հաշիվը դարձրեց 1:1: 54-րդ րոպեին Եդինակը 11 մետրանոց հարվածով առաջ մղեց ավստրալացիներին: 58-րդ րոպեին Վան Պերսին հավասարեցրեց հաշիվը, իսկ 10 րոպե անց Դեբայը հաղթանակ պարգևեց հոլանդացիներին: Խմբի մյուս խաղում Իսպանիան կմրցի Չիլիի հետ: Հանդիպումը կսկսվի Երևանի ժամանակով 23:00-ին: