Երկաթբետոնե կառուցատարրերն ընկել են. 18-ամյա տուժած վիճակը ծանր է

Հունիսի 12-ին ահազանգ է ստացվել, որ Երևանի Արցախի պողոտայի թիվ 8բ շենքի մոտակայքում շինարարական աշխատանքներ կատարելիս բետոնե կոնստրուկցիա է ընկել քաղաքացու վրա:

Դեպքի վայր են մեկնել մեկ մարտական հաշվարկ և ճգնաժամային կառավարման կենտրոնի արտակարգ իրավիճակների օպերատիվ խումբը:

Պարզվել է, որ բետոնապատման աշխատանքներ իրականացնելիս փլուզվել են երկհարկանի կիսակառույց շինության երկաթբետոնե կառուցատարրերը, ինչից մինչ հրշեջ-փրկարարների կանչի վայր հասնելը Ա. Ա.-ն (ծնվ. 1996թ.) տեղի ուժերով դուրս է բերվել և տեղափոխվել «Էրեբունի» բժշկական կենտրոն:

Արտակարգ իրավիճակների նախարարության հաղորդմամբ` բժիշկները տուժածի առողջական վիճակը գնահատել են ծանր: