Volkswagen-ը բախվել է 22 համարի ավտոբուսին և գլխիվայր շրջվել

Shamshyan.com-ը հայտնում է, որ այսօր՝ մայիսի 19-ին, ավտովթար է տեղի ունեցել Երևանում: Ժամը 11:00-ի սահմաններում Թևոսյան փողոցում Կոտայքի մարզի բնակիչ, 26-ամյա Սևակ Ավետիսյանը, վարելով Volkwagen մակնիշի 22 ՍՏ 952 համարանիշով ավտոմեքենան, բախվել է Higer մակնիշի 4503 Տ համարանիշով` թիվ 22 երթուղին սպասարկող ավտոբուսին:

Ըստ ֆոտոլրագրող Գագիկ Շամշյանի` ավտոբուսին բախվելուց հետո Volkwagen-ը բախվել է ճանապարհի բաժանարար բազալտե եզրին և գլխիվայր շրջվել: Բարեբախտաբար, զոհեր և վիրավորներ չկան: Վթարի վայր են ժամանել ճանապարհային ոստիկանության 1-ին սպայական գումարտակի 8-րդ դասակի աշխատակիցները և ոստիկանության Նոր Նորքի բաժնի պարեկապահակետային 2-րդ վաշտի աշխատակիցները: Ժամանել է նաև ապահովագրական ընկերության ներկայացուցիչը: Այս պահին վթարի վայր պետք է ժամանի ՃՈ հետաքննիչը, ում կողմից փաստի առթիվ նյութեր են նախապատրաստվելու:

Մանրամասները` սկզբնաղբյուր կայքում: