26-ամյա Ալբերտի սպանությունը բացահայտվել է. մեկ այլ երիտասարդ կալանավորված է

Մայիսի 1-ին հիվանդանոցից ոստիկանության Արաբկիրի բաժնում հաղորդում էր ստացվել, որ իրենց մոտ է տեղափոխվել 1988 թ. ծնված Ալբերտ Բժշկյանի դիակը:

Մեկնած օպերատիվ խումբը պարզել էր, որ նույն օրը Կոմիտասի պողոտայի թիվ 33 շենքի բակում գտնվող տաղավարում անհայտ անձը սուր կտրող-ծակող գործիքով հարվածներ է հասցրել Ալբերտ Բժշկյանի կրծքավանդակին:

Ոստիկանության Երևանի վարչության և Արաբկիրի բաժնի ծառայողների իրականացրած միջոցառումների արդյունքում պարզվել է, որ հանցագործությունը կատարել է 1991 թ. ծնված Ավետիք Մ.-ն, որը մայիսի 3-ին ներկայացել է ոստիկանություն և ներկայացել հանցագործության գործիք դանակը:

Ավետիք Մ-.ն կալանավորված է: Ոստիկանությունը տեղեկացնում է, որ քննությունը վարում է Արաբկիրի քննչական բաժինը: