ՌԴ-ն կապ է ունեցել ԵԱՀԿ դիտորդների առևանգման հետ. պնդում է ուկրաինական կողմը (ՏԵՍԱՆՅՈՒԹ)

Արդեն հայտնել ենք, որ Վլադիմիր Պուտինի ներկայացուցիչ Վլադիմիր Լուկինի մասնակցությամբ բանակցությունների արդյունքում հաջողվել է ազատել Սլավյանսկում գերի վերցված ԵԱՀԿ ռազմական դիտորդներին:

Ուկրաինայի ԱԾ-ն, սակայն, պնդում է, որ ՌԴ-ն կապ է ունեցել դիտորդների առևանգման հետ, և որ  ապացույցներ ունի. հայտնում է Украинская правда-ն:

Լուկինի ակտիվ մասնակցությունը բանակցություններին, ըստ ուկրաինական կողմի, բեմադրություն է: 

Անվտանգության ծառայությունը ներկայացրել է ՌԴ նախագահի հատուկ ներկայացուցիչ Վլադիմիր Լուկինի և «Ստրելկա» զինված խմբի ղեկավար Իգոր Գիրկինի հեռախոսազրույցը, որը վկայում է, որ «ռուսական կողմը համակարգել է գրոհայինների գործողությունները և անմիջական ազդեցություն ունեցել նրանց որոշումների վրա»։