Կյանքից հեռացել է ՀՀ ժողովրդական նկարիչ Սլավիկ Պարոնյանը

Կյանքի 85-րդ տարում վախճանվել է ՀՀ ժողովրդական նկարիչ, Երևանի ճարտարապետության և շինարարության պետական համալսարանի պրոֆեսոր Սլավիկ Պարոնյանը:

Վաստակաշատ բնանկարչի բազմաթիվ աշխատանքներ ցուցադրվել են Հայաստանում և արտերկրում՝ արժանանալով տասնյակ մրցանակների, դիպլոմների ու պատվոգրերի: Բազմիցս ձևավորել է Հայաստանի տաղավարը միջազգային մի շարք հեղինակավոր ցուցահանդեսներում:

Պարոնյանի հոգեհանգիստը տեղի կունենա ապրիլի 14-ին` ժամը 18:00-20:00-ն, Կոնդի Սուրբ Հովհաննես եկեղեցում: Վերջին հրաժեշտը` Հայաստանի նկարիչների միության շենքում /հասցե` Աբովյան 16/ ժամը 12:00-14:00-ն: Հուղարկավորությունը՝ ժամը 14:00-ին Երևանի քաղաքային պանթեոնում: