Գնեք շվի և նվագեք

Երևանի մարդաշատ փողոցներում կամ մետրոյում հաճախակի ենք տեսնում պապիկների, որոնք մարդկանց մոտենում են և առաջարկում գնել գրիչ կամ գրպանի անձեռոցիկ, այսինքն` ամենօրյա օգտագործման անհրաժեշտ որոշ իրեր: Բայց արտասովոր է տեսնել, թե ինչպես է  Ալբերտ Կարապետյանը  Հանրապետության հրապարակով անցնող մարդկանց առաջարկում գնել իր պատրաստած շվիները:

Yerkir.am-ի հարցին` արդյո՞ք շվի գնելուց առաջ անհրաժեշտ չէ, որ մարդը շվի նվագել իմանա, Ալբերտ Կարապետյանը պատասխանեց, որ ինքը շվիները պատրաստելիս հաշվի է առել այդ հանգամանքը, և շվիի վրա նվագել չիմացող մարդը մի քանի անգամ փորձելուց հետո կկարողանա նվագել: Ի դեպ, Ալբերտ Կարապետյանը իրեն համարում է հանրապետության վաստակավոր երաժիշտ, մարդ, ով տարբեր երկրներում շրջագայել է ու համերգների մասնակցել: