Փոխարժեքներ
30 01 2025
|
||
---|---|---|
USD | ⚊ | $ 398.27 |
EUR | ⚊ | € 414.32 |
RUB | ⚊ | ₽ 4.0524 |
GBP | ⚊ | £ 494.49 |
GEL | ⚊ | ₾ 138.29 |
Արամ Խաչատրյանի ձեռագրերն ընդգրկվել են ՅՈՒՆԵՍԿՕ-ի` Անհապաղ պաշտպանության տակ առնված արժեքների ցանկում:
Խաչատրյանի տուն-թանգարանի տնօրեն Արմինե Գրիգորյանը Yerkir.am-ի հետ զրույցում նշեց, որ Հայաստանի ներկայացրած` «Արամ Խաչատրյանի ձեռագիր նոտաները եւ կինոերաժշտությունը» հայտը ՅՈՒՆԵՍԿՕ-ի «Աշխարհի հիշողություն» ծրագրի Միջազգային ռեգիստրում /Memory of the World International Register/ ներկայացվել է դեռեւս 2010-ին:
«2013-ին, երբ Կորեայում տեղի ունեցավ ներկայացված հայտերի հերթական քննարկումը, մենք դարձանք նոմինանտ: Հայտը քննվել է շուրջ 20 երկերների ներկայացուցիչների կողմից: 2000 հայտ է ներկայացված եղել, որոնից ընտրվել են մի քանիսը, այդ թվում` մերը: Անհապաղ պաշտպանության տակ առնված արժեքների ցանկում են ընդգրկվել թանգարանի արխիվում եղած 11 ձեռագրերը, 4 ձեռագիր էլ Խաչատրյանի որդին է տրամադրել»,- ասաց Գրիգորյանը եւ հավելեց, որ Խաչատրյանի` ֆիլմերի համար գրված երաժշտությունը /մոտ 25 ֆիլմի համար/ ամբողջ հայտով նույնպես այդ ցանկում է:
Թանգարանի տնօրենի կարծիքով` սա եւս մեկ անգամ փաստում է, որ Խաչատրյանը համաշխարհային մեծություն է, իսկ նրա ժառանգությունը` համաշխարհային արժեք: