Արամ Ա կաթողիկոսը Ժնեւ-2 համաժողովում կխոսի Սիրիայում հայերի բռնի մահմեդականացման մասին

«Ժամանակ»-ը գրում է. «Արամ Ա կաթողիկոսը մտադիր է ժնեւյան համաժողովում խոսել Սիրիայի քրիստոնյա բնակչության ոչնչացման կանխամտածված հատուկ գործողությունների, սպանությունների, հայկական ընտանիքների բռնի մահմեդականացման մասին։

«Ժամանակի» հետ զրույցում Դամասկոսի հայոց թեմի առաջնորդ Տ. Արմաշ եպիսկոպոս Նալբանդյանն ասաց, որ Արամ Ա կաթողիկոսը «Ժնեւ-2» համաժողովում կխոսի Սիրիայում հայերի բռնի մահմեդականացման մասին: Ավելին, նրա խոսքով, «այդ թեման բարձրացնելն այլեւս քրիստոնյաների ձեռքում չէ, այնպես չէ, որ այդ թեմայի շուրջ աշխարհը լռում է»։

«Եթե մենք ունենք 2 եպիսկոպոս առաջնորդներ՝ ասորի եպիսկոպոս եւ հույն ուղղափառ եպիսկոպոս՝ առեւանգված, ունենք քահանաներ՝ առեւանգված, մայրապետներ՝ առեւանգված, անշուշտ, այդ մասին պետք է խոսվի, պետք է խոսվի քրիստոնյաների վիճակի՝ անվտանգության եւ սպառնալիքների մասին»»։