Գերմանիան դադարեցրել է Թուրքիայի պետական ալիքի հեռարձակումը

Գերմանիայի ամենամեծ հեռուստաընկերություններից Unitymedia-ն դադարել է Թուրքիայի պետական ալիքի` TRT-ի հեռառարձակումը երկրում. հայտնում է hurriyet-ը:

Ըստ տեղեկությունների` Unitymedia-ն TRT-ից պահանջել է վճարել 300 հազար եվրո, որպեսզի հեռարձակումը շարունակի: Սակայն TRT-ի պաշտոնյաները հրաժարվել են վճարել` պատճառաբանելով, որ մյուս ալիքներից նման գումար չի պահանջվում, և դա արդարացի չէ:

TRT-ի պաշտոնյաներից մեկը հանդես է եկել հայտարարությամբ` ասելով. «Գերմանիայում երկար տարիներ մենք` որպես թուրք հասարակություն, ապրել ենք: Մեր լեզվով և մշակույթով հեռարձակում իրականացնող TRT-ն մենք դիտում էինք օպերատորի (հատուկ ծրագրերի անդամակցելու) միջոցով: Ցավոք, 2013-ի ավարտին հեռարձակումը դադարեցրեցին: Պահանջում ենք շարունակել TRT-ի հեռարձակումը: Դա մեր իրավունքն է»: