Forbes-ը խիստ քննադատել է Ալիևին

Հանրահայտ Forbes պարբերականը խիստ քննադատության է արժանացրել Ադրբեջանի ղեկավարությանը՝ անվանելով այն «աշխարհի ամենաշատ բռնություն կիրառող վարչակազմ»: «Ադրբեջան. առանց քաղաքական բարեփոխումների երկիր» հոդվածն  Ադրբեջանում ԱՄՆ նախկին դեսպան Մեթյու Բրայզայի՝ CNN-ում հրապարակած հոդվածի յուրօրինակ պատասխանն է:

«Թեեւ պարոն Բրայզան Ադրբեջանը որպես օրինակ է բերում Իրանի բարեփոխիչների համար, Ադրբեջանում առկա ռեժիմն ավելի խիստ է, քան Ռուսաստանում: Այդ մասին են վկայում նաև բազմաթիվ միջազգային կազմակերպությունները: Ուղղակի ծիծաղելի է, որ նախկին դեսպանը կոչ է անում իրանցի բարեփոխիչներին նմանվել մի երկրի, որտեղ իրավիճակն ավելի վատ է, քան Ռուսաստանում»,- ասվում է հոդվածում: