''Էրեբունի'' օդանավակայանն անցավ ռուսական ռազմակայանին

Կառավարության այսօրվա նիստի օրակարգում ընդգրկված էր «ՀՀ և ՌԴ միջև Հայաստանի Հանրապետության տարածքում ռուսաստանյան ռազմակայանի տեղաբաշխման կետերի մասին» 2012 թվականի հոկտեմբերի 3-ի արձանագրության մեջ փոփոխություններ կատարելու մասին» թիվ 1 արձանագրության կնքման առաջարկությանը համաձայնություն տալու մասին որոշման նախագիծը:

ՀՀ պաշտպանության փոխնախարար Արա Նազարյանը ներկայացրեց որոշումը` համաձայն «ՀՀ միջազգային պայմանագրերի մասին» Հայաստանի Հանրապետության օրենքի 10-րդ հոդվածի` Հայաստանի Հանրապետության Կառավարությունը ո ր ո շ ու մ է. համաձայնություն տալ «ՀՀ և ՌԴ միջև Հայաստանի Հանրապետության տարածքում ռուսաստանյան ռազմակայանի տեղաբաշխման կետերի մասին» 2012 թվականի հոկտեմբերի 3-ի Արձանագրության մեջ փոփոխություններ կատարելու մասին» թիվ 1 արձանագրության կնքման առաջարկությանը:

Նշենք, որ ըստ  «Հայկական ժամանակ»-ի, այս որոշման համաձայն` Երևանի «Էրեբունի» օդանավակայանն անցնում է ռուսական ռազմակայանին։