"Շերեմետևո"-ում արդեն 6 տարի է` 20 մլրդ եվրոյով բեռնված ինքնաթիռ է կանգնած

Մոսկվայի «Շերեմետևո» օդանավակայանում արդեն 6 տարի է` 20 մլրդ եվրոյով բեռնված ինքնաթիռ է կանգնած. այն մի քանի տարի է «չի գտնում» իր հասցեատիրոջը: Այդ մասին հայտնել է Московский Комсомолец-ը:

Պարբերականի տվյալներով՝ խոշոր գումարով բեռնված օդանավն օդանավակայան է ժամանել 2007-ին: Գումարի հասցեատերը չի նշվել, և միայն 2013-ին մաքսավորներին փաստաթղթեր են ներկայացրել, որոնց համաձայն՝ այդ բեռի տերը ոմն Ֆարզին Կորորյան Մոտլակն է` Իրանից, և այդ գումարը նվիրաբերել է «Բարի մարդկանց աշխարհը» բարեգործական հիմնադրամին: Սակայն գումարը հիմնադրամի ղեկավարությունը այդպես էլ չի ստացել. մաքսավորները պահանջում են, որպեսզի բեռի տերն անձամբ ժամանի «Շերեմետևո»: