Մահացու միջադեպ` սահմանին

Երեկ՝ սեպտեմբերի 24-ին, Այգեձոր գյուղի բնակիչ` 26-ամյա Էդիկը վիրավորվել է ականի պայթյունից, իսկ հակառակորդը, ժամեր շարունակ կրակելով, թույլ չի տվել, որ որեւէ մեկը մտնի դաշտ եւ հանի նրան: Արդյունքում երիտասարդը արյունաքամ է եղել եւ մահացել: NEWS.am-ի թղթակցի հետ զրույցում Չինարիի գյուղապետ Սամվել Սաղոյանն ասել է, որ երիտասարդը խոզապահ է, խոզերը մտել էին Այգեձոր գյուղի հարակից դաշտը, նա էլ փորձել էր դրանց դուրս բերել:

«Հակառակորդը ժամեր շարունակ կրակի տակ է պահել, չի թողել, որ մտնեն հանեն նրան եւ օգնեն: Մի ժամից հետո մտել են, որ հանեն, արյունաքամ էր եղել, մինչեւ հիվանդանոց հասցնելը մահացել է»,- ասել է  գյուղապետը: